La meriénàie
Source : Jules Guérin ,Trland é Rigourdaenes, 1892.
Midi ! tout dort den le Çhérea.
Au pllén d’ine chàude jhornàie,
Lés jhents fésant la meriénàie,
Couchais su l’arbe en in marea.
Au marae, las dau talebot,
Lés beùs repousant leùs sotelles ;
Sou lés llumuns é lés nentelles,
L’aeve dort den le cuntrebot.
De l’aer de çheùquin qui maroune,
In chéti balerit viroune,
La bas, dessu ché Cunpagnun.
É su le bord de la teràie,
Ine grousse cane baràie
S’épiboce le courpegnun. |
