Chantevent Source : Jhile Pérodea, Au péyis daus rouchines, Arantéle, 1987.
Le vent dau hàut bufe a la goule de la cheminàie
I me tome bé creùs den la chaudure de mun lét
I ae poet coulli lés poumes au mitan dau fae
A sant poet a comàe a serant totes machàies
Le vent baule a la goule de la cheminàie
Sarun nous bé creùs den lés bérnes au funs dau lét
Si i avoe sement mi de la bouràie aus boyétes
Pr que la petite bode séjhe moén amigrougnàie
Le vent cile entrmi la brande é le pavoes
I sé tot abouchounai pr debas la coete
La mouche de bousas ferat ghére de souçoe
Eùreùsement qu’i avoe assarai çheùques fagots den le tét
Le vent se muce pr debas la porte de la bourine
Cale te la Marie cuntre le ratea de men échine
Fé poet ghilàe lés bérnes pu bas que le bout de mun nàes
Cale te la bé proe i nous téndrun meù achalais
(i avoe = i avàe, pavoe = pavaes, souçoe = souçàe, proe = pràe) |