La félle de lére Source : Micha Gautàe (rimajhure J.J. Chevrier).
Nichan si te velàes
Cuntàe tots nos maleùrs
Pi brére a ché moument
Su chaquine machure
Tés beas siprcélls nérs
Seriant trjhou mollais
Lés égraemes t’ariant
Bétout melai lés jhotes
Quant t’as le gorjhét hare
Que tot çheù que te crés
Que tots çhélés que t’aemes
Te senbllant visibllàe
Den le creùs daus jhornàies
Quant l’enniment su tàe
Acache sés grousses paucres
Sunjhe au bea tenp qui vaet
Le suloll éssorerat
La gace de nos retes
T’éjhanberas d’in randun
L’échalàe pi le cllun
Pi den le bea vrjhàe
De darére la mésun
Coulle morgalle sape
Avant qu’o mele tot
Daus foes que le bea tenp
Durerét in poe a venir
Rechte poet atendive
Bufe su lés fumeas
Pr que tun feù s’éprenjhe
É te voeras qu’aleùre
Bé te t’achaudureras
A la boune brasure
Pi qu’o serét tot en glla
Agarde te Nichan
Tun bea corp te dérat
Bé daus pllésis noveas
Ol en at qu’avrasant
Queme la vràese d’ivér
Qui au çhér ve sounant
Queme la félle de lére. |